Zëvendës Shefja e Misionit Colleen Hyland

Zëvendës Shefja e Misionit të Shteteve të Bashkuara në Republikën e Kosovës

Colleen Hyland [Kollinë Hajlend] iu bashkua ambasadës së SHBA-së në Prishtinë në gusht të vitit 2016 si zëvendës-shefe e misionit.  Ky është misioni i saj i dytë në Kosovë; para kësaj ajo ka shërbyer si këshilltare politike dhe ekonomike prej vitit 2007 deri në vitin 2009.  Para se të kthehej në Prishtinë, z-nja Hyland ka qenë zëvendës-drejtoreshë për çështje bilaterale të tregtisë në Departamentin e Shtetit.  Jashtë vendit, ajo ka shërbyer si zëvendës-koordinatore për çështje ekonomike dhe asistencë në Kabul, këshilltare politike dhe ekonomike në Lubjanë dhe zyrtare për çështje ekonomike dhe konsullore në San Salvador dhe Guayaquil të Ekuadorit.  Gjatë shërbimit në Uashington, z-nja Hyland ka qenë në stafin e Ndihmës-sekretarit për çështje evropiane, përgjegjëse për Kroaci, zyrtare për tregi bilaterale për Lindjen e Mesme dhe Afrikën dhe zëvendës-drejtoreshë e zyrës për çështje ekonomike të Irakut.

Anëtare e karrierës e Shërbimit të lartë të Punëve të Jashtme, z-nja Hyland ka studiuar në Kolegjin Mount Holyoke, ku ka diplomuar në degën për studime evropiane, si dhe ka kryer studimet e larta për master në degën e Sigurisë dhe Strategjisë në Kolegjin e Luftës të Forcave Detare të SHBA-së në Newport, Rhode Island.